النهارده هسلط الضوء على اكثر النباتات المعمرة و اقدمها فى الهوايه و اكثرها استحمالا الجانب الكلاسيكى فى shahen farm المزروع على الصخور و لا تقبل الغرس فى التربه و لكنها تتحمل الحراره العاليه و المنخفضة
فى المستوى الاول عندك فوق الجافا فيرن لونج ليف اشهر نوع فى الاحواض النباتيه نبات بطئ نسبيا و لكنه معمر جدااا عاوز اقولك لو ورقه اتقطعت غصب عنك متزعلش انت كده هيكون عندك نبتة جديده … اقصى اضاءه تتزرع فيها 20 ليومان اكتر من كده الطحالب هتتمكن منها و غالبا هتموت .
المستوى التانى عندك من نفس عيله الجافا جافا وندلوف ينطبق عليها نفس الكلام مع فارق ان نموها ابطئ و اكثارها ابطئ يبقى على طول هتحتاج اضاءه اقل بحد اقصى 15 ليومان
فى المستوى الثالث عندك انوبيس كوكافوليا من عيلة الانوبيس و كل العيله دى صفاتها واحده انها اشد بطئ ممكن تطلع ورقة او ورقتين مكتملين النمو فى شهر و عشان كده بنصح تتربى فى مستوى اقل من 15 ليومان .⁉️ تلاحظ انا زارعها على شكل طبقى لان انت هتشتغل على ليومان واحد للحوض و تضليلك للنبات هو الى يحدد مستوى قربه او بعده او تضليل النبات المجاور عليه ..
اتمنى اكون اضافت معلومه ليكم .. متنساش تتفاعل على محتوى الصفحة و تشاركنا رأيك و تجربتك مع الانواع دى …
