المقال ده هشرح فيه سؤال بيسأله كل يوم هاوى جديد يدخل هوايتنا .. يعنى اية نبات متأقلم و مستورد من الغابات او استزراع انسجة ؟؟؟؟
Adaptation قبل ما اجواب على السؤل ده عاوزك تفهم مصطلح اسمة التكيف ..
النباتات ليها انسجة و بلاستيدات خضراء و نظام بناء ضوئى الياف و ثغور فى استقبال الضوء بكافة عمليات و تحولات الطاقة و البناء .
النبات كائن له قدرة رهيبة على التحول و التكيف حسب احتياجاته اللى ربنا خلقة عليها ..
فى نباتات برية :
دى النباتات اللى بنشوفها فى حياتنا اليومية زى النخل و الشجار الصغيرة و الصباريات و نباتات الظل و نباتات البلكونه و خلافة .
نركزفى التصنيفات الجاية .
نبات المغمورة submerged / الاكواريوم :
هى نباتات موجودة فى الطبيعة خلقها الله متكيفة و متأقلمة على الحياة و الانتاج و عملية البناء الضوئى تحت الماء فى الانهار العذبة فى جميع انحاء العالم و كل نوع متعايش حسب بيئته من درجة حرارة و قربه او بعده من سطح الماء للحصول على الضوء و معدلات حمضيه و قلوية المية و كمان نوعية ارضية النهر .. هتلاقى النبته عايشة فى المكان المرتاحة فيه حسب احتياجها فى جميع انحاء الكرة الارضية .
فى نباتات ايمرسيد immersed :
دى بتبقى نباتات متواجدة فى الغابات المطيرة او الرطبة زى اللى بتشتهر بها دول شرق اسيا زى اندونسيا و سنغافورة و الصين و الهند .. النباتات دى حياتها على ضفاف الانهار لانها بتحتاج رطوبه عاليه جدا و بعض من شهور السنه تغمرها مياة الانهار ثم ترجع تعيش على الرطوبة …
هنا نلاقى النباتات عندها قدره سريعة على التحول و التكيف و لكن عند الزراعة منها فى الاكواريم / داخل حوضك تحتاج لمعامله خاصة و على قدر عالية من الخبرة و الاحتراف للمحافظة على النبات اثناء عملية التحويل من نبتة ايمرسيد الى نبته
مغمورة submerged …
الاسلوب ده بيحتاج ضخ غاز بمعدلات عالية و زيادة الماء تدريجيا حتى الغمر الكامل هتلاحظ ان شكل الورق الجديد الناتج عن هذا التكيف مختلف نهائيا عن شكل النبات الاصلى … للاسف الطريقة دى ليها فاقد بنسبة تتراوح من 40%_50% من الكمية لانها بترجع لجودة وصحة النبتة .
عملية الاقلمة دى بتتم فى وقت يتراوح من اسبوعين لشهر حسب نوع النبات .. و فى انواع زى نبات البوسيفلاندرا بيتأقلم ممكن فى شهوررر لانه فى الاصل نبته بطيئة النمو
نباتات الاستزراع بالانسجة Tissue culture
النوع ده ممكن نتكلم فيه لشهور و ايام لكن بأختصار نوعية الزراعة دى بتتم فى معامل مجهزة و معقمه جدا بتلعب على استنساخ الانسجة للنبتة المستهدف انتاجها لصعوبة انتاجها لعدم توافر مناخ و عومل تساعد على الاكثار السريع منها ..
زى شركة tropica تروبيكا و شركة اكواسيب ..
بيتم التعامل مع النباتات هنا بعد جلب علبة النبات يتم غسل النباتات فى وعاء ماء للتخلص من الجيلاتين المزروع فيه و اتباع نفس اسلوب الاقلمة و لكن هنا فى ميزة ان نسبة الفاقد بالنسبة للايمرسيد قليله جدااااااااا النسبة لا تتعدى 10%_20% ده بسبب طريقة الاستزراع بالانسجة و معالجة النبات لقدرة على التكيف بشكل افضل .
ثانى اكسيد الكربون هو سر تكيف نسيج النبات فى كل نوع السابق ذكرهم … كل نبته ليها طريقة فى فتح و غلق الثغور للحوصل على غاز ثانى اكسيد الكربون سواء فى الهواء او تحت الماء .
كل المعلومات المذكورة بناء على تجارب عملية شخصية منذ سنواااات و قراءت و خبرات منقولة من مدارس مؤسسة للهواية ..
الصورة لنبته براونى جوست استزراع انسجة من تروبيكا و من اجمل التجارب اللى جربتها حرفيا كصحة و انتاج و الفاقد تقريبا 0% عن تجاربى مع نباتات دول شرق اسيا .. بس السعر هنا مختلف خالص يعنى ممكن تلاقى نباتات الاستزراع بالانسجة تفوق 4 او 5 اضعاف سعر نباتات دول شرق اسيا .
