النهارده انا جاى ألخص لك قصة العناصر للنبات مع ان الموضوع ده كل مصطلح فية يحتاج مقالين تلاته بس.
الاول تعالى افكرك بأتفاق قدييييييم من 4 سنين قولتك ان النبات زيه زى اى كائن حى بيحتاج طاقة عشان يقدر يعيش و ينمو كويس . متفقين … متفقين
طيب يا سيدى اولويات النبات من الطاقة دى بتتلخص فى
عناصر كبرى مهمة جدا و بيحتاج النبات منها بكميات كبيرةNPK
N 
النيتروجين
و ده اهم و اكبر عنصر النبات بيحتاجة فى بناء خلايا النبات و النمو من الاخر ده اساس تكوين الخلية و اخضرار النبات بواقع 8 ذرات واحفظ الرقم عشان هنحتاجة تحت و بيتقدم للنبات فى كذا شكل …
فى اسمدة Shahenfarm بنقدمة فى شكل نترات اسهل و انقى صورة
K البوتاسيوم
و يشار له ب حرف ده بقى يا سيدى عامل زى اتوبيس نقل الموظفين مافيش عنصر يتنقل داخل النبته اثناء عملية البناء الضوئى الا عن طريقة و بدورة بيساعد على التجدير( بيعمل طرق و كبارى عشان يمشى بشكل سهل و يستوعب النقل) بشكل رهيب عشان يقدر ينقل كل العناصر واى عناصر و اى بروتين و اى مياه و اى حد معدى فى السكة من و الى ورق النبات مرور بالساق و التربة … و لو زودت فيه عن الازم ده هيبقى اجهاد over و ثقل على النبتة …
زى ما لسه قايلين انه اوتوبيس نقل موظفين لازم تبقى عارف هتنقل كام عنصر و وزنه قد ايه و كميته ايه لأنك لو زودت عدد الاتوبيسات على الفاضى هيبقى زحمة على الفاضى و هتتعب فى التراخيص و البنزين 
K الفوسفات /فسفور
بقى بأختصار البنك الفدرالى المركزى لتكوين و الاحتفاظ باى هرمونات او انزيمات زى ال دى ان ايه الاحماض النووية مهمة فى توليد الطاقة اثناء عملية البناء الضوئى و بيظبط معدلات امتصاص النيتروجين عشان لو زيادة يسيطر علية.
تعالى بقى للعناصر الصغرى و دول عددهم كتير جدااا بس النبات بيحتاج منهم بكميات قليلة ..
ده مش معناه اننا منسمدش لانه ميقلش قيمه عن الصغرى بيهم وهقولك ليه.
البورون، الحديد، النحاس، الزنك، المنغنيز، الموليبدينوم، الكلور، النيكلو الكالسيوم والكوبالت أحياناً لهذه المجموعة نظراً لاستعماله في تثبيت النيتروجين.
الحديد
عنصر اساسى مع النيتروجين فى بناء الكلوروفيل عشان كده لو قليل اخضرار الورق بيقلب اصفر . الزنك و المنجنيز و الموليبدينوم و النيكل بأختصار كلهم بيشتغلوا على تكوين الانزيمات و الهرمونات الى بتتخزن فى البنك الفدرالى الفوسفات زى ماقولنا فوق هو الى بيشغلهم
المغنسيوم
المعلم ده بقى بيسموة النقاش ( الى بيبيض الشقة ) لا منه عناصر صغرى و لا منه عناصر كبرى بس تعالى اقولك انه اساس تكون الخلية النباتيه بواقع 4 ذرات مع ال 8 الى فوق بتوع النيتروجين يبقى كده اكتملت الخلية النباتية بس ليه شويه خصائص من العناصر الصغرى زى تكوين الانزيمات و الكربوهيدرات و خلافة … و ليه اسرار تركيبات كيميائية حسب اتجاه التسميد المتبع زينا كده فى اسمدة ده الى مخلينا رقم 1 فى مصر بهد معمل شركه المختبر العلمى للابحاث الزراعية.
