السادة الهواة فى جميع التقنيات اتكلمت كتيرررررر جدا فى مواضيع كتير عن مساوء البدايات مع الاحواض النباتية بطريقة الفيرمى كومبوست و البيتموس …
مبدأيا لو بتقرا الكلام بعناية و دخلت بحثت عن تربة البيتموس على جوجل هتجد كل المواضيع بتشير ان البيتموس ما هو الا تحللات طحالب فى برك و انهار نباتية و نشفت و فيها بعض االعناصر المغذية البسيطة جدااااااا يعنى لا تعتبر كمصدر غذاء و انها تربة حمضية جداااااا بتستخدم فى مواسم معينة فى السنة للزراعة لبعض الانواع و انها فقيرة اوووى لكل العناصر الصغرى و الكبرى و الميزة فيها انها بتحتفظ بالمية و الرطوبة … طب احنا احواضنا مغموره ميه و لا يتناسب معاها نهائيا الصنف ده لان مش هستفاد منة لا فى الهاى و لا ال لوتيك يبقى عملت تحميل عضوى و رفعت من حمضية المية وخلاص.
الفيرمى بقى ده انا اتكلمت فيه و لو كلفت نفسك و دخلت بحثت عن فوائده هتلاقى كل المواقع بتشير لفائده ال 30 نوع باكتيريا النافعين فية فقط و احتوائة على بعض المعادن و لكن مش هتقدر تستفاد منها غير بالبكتيريا .
سؤال اول يطرح نفسة هل تخزين و بيع الفيرمى فى مصر يقدملك المحتوى البكتيرى ؟
ج : لاء .. قليل اوى الى يعرف يحافظ على رطوبتة وتقديمة بصورة مستفاد منها .
سؤال تانى ..هلى الفيرمى بيتغسل او بيتغلى ؟
ج : ما لسه قايل البكتيريا الى فيه هى ال فيها الفايده لما اغسله او اغليه انا كده قتلتها .
سؤال تالت هل الفيرمى اصلا مناسب لاحواضنا النباتية ؟
ج. اه بس بشرط … عشان الفيرمى مليان كمية مواد عضوية رهيييييييبة جدا يعنى امونيا عاليا. فى مستوى النباتات اللوتيك الموضوع اشبة بالكابوس لان النباتات مش هتستوعب الكم الهائل من الامونيا و غالبا الطحالب بانوعها هتتمكن منك … لو هتشغل غاز ممكن الموضوع هنا يبقى كويس و خصوصا لو انت محترف مش مبتدأ فى المرحلة دى ….
التشبية بسيط انت حوضك محتوى مغلق .. زيك بالظبط انت قاعد فى اوضة و قدمتلك اكل يكفيك لمدة شهر اكيد دماغك هتفكر فى ان الاكل هيبوظ و طعمة هيتغير و يعفن … ده بالظبط ال هيحصل جوة حوضك .
ازاى احنا فى سنة 2021 و لا نتعلم العلم و لا نقتضى بية بنشوف ايه الى يأذى و يدخل الهاوى فى دوامة لا تصلح حتى لمحترف بغرض الكسب المادى فقططططط انا لو عاوز من بكرة ابيع فيرمى كومبوست و بأرخص سعر فى الوطن العربى و بأعلى جودة من قلب مزرعة منتجة لة كنت عملتها بس مش هو ده الاسلوب الصح …
.
