« إِنَّ اللَّهَ فَالِقُ الْحَبِّ وَالنَّوَىٰ ۖ يُخْرِجُ الْحَيَّ مِنَ الْمَيِّتِ وَمُخْرِجُ الْمَيِّتِ مِنَ الْحَيِّ ۚ ذَٰلِكُمُ »
سبحان الله .. معظم عائلة الهجروفليا ورقها لما بيقع و تسيبها على وش المية بتطلع جدور هوائية الاول و بعدين تطلع ورق جديد و ساق و نبتة كاملة … نفس الشكل الى فى الصورة …تاخدها من جدورها تزرع اصبحت نبتة جديده بروح جديده من ورقة متحللة …
اليوم نتكلم بشكل عملى و علمى بحت عن موضوع كنت نوهت عنة من فترة … و هو التجدير من غير تربه و بداية الاستزراع من ورقة او ساق حامل لورقة .
قدرة النبات على اعطاء اكبر درس للبشرية و الكون أجمع على البقاء و مواجهة أصعب الظروف خصوصا الحر بيوقع ورق سبحان الله العظيم .
الطبيعى ان اكبر محفز للتجدير للنبات هو عنصر الفوسفات و يختلف سرعة التجدير و الاستشفاء تبعا لنقاء الفوسفات …. الهجروفليا ديفورمس من اكتر النباتات ال بتعمل الموضوع ده هى و الهجروفليا بليسبيرما و الهجروفليا جايينت و هجروفليا سايميز …
ال ادهشنى اكتر التيوان لوتس ورقتها عندها قدره على عمل الخاصية دى و بقوة و اللودجيا اوفاليس و الناروليف و الريبينس …
كل الاسماء دى موجوده فى الصور بالتجارب و ال ساعدنى فيها بسرعة اوى الجروت باكت بحكم ان دى وظيفة مميزة جدا ليها و أصبح قاعده كبيرة من الهواة و المزارع بتعتمد عليها فى انتاجها .اسيبكم مع الصور تتفرج على اكبر درس على الاراده و حب البقاء
