الراجل ده بقى ابطئ انواع القواقع الى ممكن تقتنيها فى حوضك و مسالم و شكلة مميز جدا بشكل وشة و عنية و قرون الاستشعار ..
شايل جبل ورا ضهرة
و ده يخلية طول النهار عمال يلف و يدور يستكشف و ياكل طحالب واى مواد فيها كالسيوم عشان يبنى صدفتة لو لاقى ورقة نبات دبلانة يقوم بيها و يا سلام لو تديلة حبة فاصوليا خضرا نص مسلوق .. حتة قشر بيض صغير و تكسرها تبقى خدمتة .
البرنس ده بقى بيحب المية النضيفة جدا و مبيحبش الامونيا العالية يعنى الحوض المزروع افضل وسط ليه و عمرة الافتراضى 3 سنوات و اكبر حجم ليه 12سم .
بيحب درجة الحرارة بين (25_30) اصل الاخ استوائى
حتى فى تكاثرة عجيب كل القواقع المعروف عنها بتحط بيض كتير الا ده .. خلفتة قليلة اوى مهو برنس بقى بيحط 3 بيضات فقط و تطلع العيال تدور على الاكل و يجرى وراهم يراعيهم . ☡ معلومه اخيرة : هو مش برنس بس مجنون كل شويه اسمع صوت هبد بيقع .. يفضل يطلع لحد وش المية هوب يسيب نفسة يقع ( محسسنى انا قتبلة هيروشيما بتقع)
#shahen_farm_aquascape
