هسلط الضوء و أركز شوية على كام نقطة فى تغذية النباتات :
عندنا قاعده تبادل المنفعة بين الاسماك و مخلفتها و النباتات و كلنا عارفين النبات بيتغذى على مخلفات السمك و ينمو و السمك المية تبقى نقية و متوازنة لية .
ساعات بتبقى العناصر فى المية فقيرة مبتكفيش النبات و هنا بنقف نفكر نعمل ايه هل نعمل تربة و لا اسمدة سائلة … بشكل كبير اغلبنا بيتجة للاسمدة السائلة لسهولتها … و ده الى هنوجه ناحيتة الكشاف.
عزيزى الهاوى مش أى عناصر سائلة تقتنيها .. ( جودة العناصر مرتبطة بسرعة امتصاصها )
تانى نقول سرعة امتصاص العناصر مرتبطة بجودتها … و ده بيبان على شكل النبته و المشاكل الى بتظهر عقبال ما النبات يمتصها … و شكل تغير لون المية بعد اضافة العناصر بيبن هل امتصت بالكامل ولا ليها ترسبات …. كل دى عوامل بتحدد جودة الخامات … و ليست القيمة المالية
.
ارجع و أنبة عن سرعة امتصاص العناصر و المغذيات من المية بتحميك بشكل كبير جدااااااا من مشاكل اسمها الطحاااااااااااااااالب وهيفرق معاك فى شكل ولون و صحة و سرعة و نمو النبتة .
☡كان فى موضوع كتبتة قبل كده عن العناصر الصغرى و الكبرى واهمية كل عنصر ……. تمااااام همسة فى أذنك
مش كل العناصر بيحتاجها النبات بصفة دورية .. ممكن تلاقى نفسك بتحط عنصر و صلب مش دائم الامتصاص و بيتركز فى حوضك بشكل نسبى وتلاقى المشاكل جيالك على المدى البعيد .. مثال زى النحاس ده عنصر مش دائم الامتصاص و تركيزة بيعمل تسمم ممكن تفضل تستخدم التركيز و يفضل يرسب عندك بعد شهر ونص شهرين تظهر المشاكل على الاحياء .
واجب عليك تعرف نسب و عناصر المنتج الى بتجيبه عشان تعرف انت بتعمل ايه جوة حوضك و فى عناصر مهمه جدااااااا زى الحديد بالمناسبة الحديد عنصر اساسى للبناء الضوئى و ليس لأكساب النبات صفة الاحمرار و دة موضوع هنتكلم عنة بشكل مفصل .
كلامنا عن العناصر مخلصش عشان مرتبط بقصه كبيرة اسمها سرعة الامتصاص مع البكتريا و الى اثبتت نجاحها مع ناس كتير جدا وليست تجارب شخصية فردية منذ 4 شهور فقط .
