مقال اليوم احاول اجاوب فيه عن كل الاسئلة او اوفر فية كل المعلومات الى ممكن يحتاجها الهاوى لانشاء حوض مزروع .
اى حد بيتفرج او يشوف صور لاحواض نباتية بيبقى نفسة يجرب يعمل حوض مزروع يقتنية فى بيتة… او عامل حوض بيربى فيه نوع اسماك حساسة من الامونيا هنا يفكر يوفر نباتات للحوض و مش عارف يبدأ منين .
تأسيس حوض مزروع مش صعب و مش سهل . لابد من توفير مثلث 🔺 مكتمل الاضلاع اضاءة و ثبات عدد الساعات و توفير تربة خصبة ناعمة (جرش) لسهولة الزراعة … و التغذية سواء اعتمادك على فضلات الاسماك او التسميد السائل للنبات.
اولا الاضاءة 💡
تقاس بالليومان لحساب كمية الضوء الازمة للحوض … النباتات السهلة بتحتاج 20 ليومان لكل لتر و دايما بنصح الناس الى عاوزة تبدأ من المستوى ده .. هيطلعلك ناتج عدد الليومان الازمة للحوض ..
مثال لو حوضك 50 لتر يبقى حضرتك هتحتاج 1000 ليومان يعنى حوالى لمبة 9 وات او لمبتين 4 وات تكفى … بعدد ساعات 8_6 ساعات منتظمة يوميا .
ثانيا الحفاظ على التغيير المية الدورى 💧
مرتين فى الصيف ومرة فى الشتاء … المحافظة على الفلترة و وجود تيار ماء مستمر لتفادى مشاكل الطحالب و الطبقة الزيتية و ده عن طريق وضع فلتر بور هيد بالحوض ذو قوة مناسبة لحجم الحوض.
ثالثا التغذية 🍼
اما عن طريق التسميد السائل بالعناصر الصغرى و الكبرى و الحديد بجرعات اسبوعية حسب الجهه المتجة لها… و كمان فضلات الاسماك ليه عامل فى نمو النبات بس مش احسن حاجة مش هينمو بشكل احسن.
لا انصح بوضع فيرمى كومبوست او بيتموس او طين ممعدن فى الاحواض ال لوتيك
رابعا الجرش
اى نوع من الكوارتز او البازلت او رمل فلاتر الاصفر اى نوع لايتفاعل مع الماء و لا يكون حجم الحصو اقل من 1مم و لا اكتر من 3 مم . ✔ طيب هنا سؤال عملت الحوض تمام بكل الى اتكلمنا فيه هنا بقى عاوز تزرع وقت الحيرة اعمل ايييييييية ?
انصحك تبدأ بنباتات سهلة و غير مكلفة و تبدأ تنمى منها لو نجحت واستقرت تقدر تكمل مشوارك و تزرع باقى الحوض .
طب اعرف منين ان النباتات استقرت : خلال ال 15 يوم الاول تتابع النبات و هل الاوراق الجديده بصحة مظبوطه و تكون النباتات ثبتت جدورها …… شهر بالكتير تقدر تحكم على حوضك خلوة من كافة انواع الطحالب و النمو بشكل طبيعى.
لا قدر الله حصل خلل تقدر تقف و تعالج حتى لو فى نبتة اتأذت او ماتت يبقى مخسرتش كتير و تبدأ تراجع وتصحح مشكلتك مع حد متخصص انت بترتاحلة و تثق فية. (و ياريت تكمل مع واحد بس بطريقته لحد الاخر
🍀النباتات الى بنصح بيها اى حوض جديد🍀
🍂سيسفلورا
لودجيا ريبينس و ناروليف
باكوبا استراليز )بيبى تيرز
باكوبا كارولينا
Hm كنوع كاربت
ستار جراس كنوع كاربت
هجروفليا ديفورمس
هجروفليا بلسيبريما
هجروفليا كوريمبوسا
ابنجتون
هيدروكتيل ليكوفيلا
🍀بعد النجاح بفترة نباتات ممكن تبدأ تدخلها وسهلة🍀
عائلة الفيرن ..
عائلة الكريبتو كرين
سترينجى موس
كريسمس موس
لوبليا كاردنالس
بامبو
روتالا روتنديفوليا
هجروفليا صن سيت
سؤال دايما يشغل دماغ الهاوى (التكلفة )
💗 اطمنك واقولك ان ممكن على قد لحافك مد رجليك 😂
🔹حوض ازاز حجم 50سم يكلفك تقريبا 💯ج 🔹جرش بالكتير للحوض ده فى حدود 50ج 🔹لمبات الليوس حوالى 1500 ليومان تقريبا 💯ج 🔹فلتر تقريبا 50ج 🔹اسمدة تقريبا 70ج ☜ده كده التكلفة المبدأيه فى اضيق الحدود تقريبا 370ج 🔘تكلفة النباتات دى بقى بتاعتك وقدرتك ال مادية ممكن ب 💯ج تبدأ الحوض و لو حابب كل فترة تدخل انواع جديدة . 🔚يعنى ممكن تعمل حوض مزروع شكل يدى روح جوة البيت
بتكلفة 500ج و طبعا هيبقى فى نمو و هتزرع وتكبر نباتاتك
#shahen_farm_aquscape
معمل_النباتات #
كن_ملك#
#No_Algae_No_Snail
