ايه التربه الى ممكن استخدمها للحوض المزروع . طيب تعالى نقول هل انت محتاج تربه اصلا او لاء للحوض المزروع ?
لو انت عاوز تعمل حوض تزرع فيه نباتات لوتيك زى الكابومبا و الفالسنريا و كل النباتات الى بتحتاج اضاءه قليله وتغذيه قليله .. يبقى انت مش هتحتاج تربه غير فرش قاعده الحوض بكوارتز فقط بسمك 5سم ؛ وهتكتفى بالتغذيه عن طريق فضلات الاسماك الى فى الحوض و وضع المغذيات السائله الى اتكملنا عنها الفتره الى فاتت سواء كبرى او صغرى او اضافة بكتيريا جروت باكت.
اما لو هتعمل حوض متنوع به نباتات تحتاج لاضاءة ومغذيات عاليه هنا بقى كلامنا هيختلف . مبدأيا هنحتاج تربة واغنى تربة هى الفيرمى كومبوست و ده بقى اغنى تربه العالم كله بيستخدمها لاحتوائها على عناصر ومغذيات رررررررررررهيبه تضاعف الانتاج و يضاف لها لافا روك ( حجر خفاف ) مفتت لاحتوائه على عناصر معدنيه و كربون رهيبه يحتاجها النبات ؛ و هتتبع جدول الاضاءة الليومانز الموزعه على عدد الليترات و الى يقدر يكلمنا عن الفيرمى و طريقه الحصول عليه فى اسكندرية فقط من الاستاذ جمال بصراحه راجل خدوم جدااا واى معلومه يبخلش عن حد فيها ويساعد
طيب ملحوظه كده الفيرمى و اللافا روك بيطلع مغزيات بغزاره فى الميه هتحتاج منظومه ثانى اكسيد كربون لتسريع عملية البناء الضوئى للنبات .
ازاى نفرش الارضية :
اولا هتجيب كميه كواتز او بازلت تكفى عمل سمك 5سم حسب مساحه حوضك و ده متوفر فى محلات كتير . ثانيا هتجيب الفيرمى كومبوست من مصدر موثوق .
ثالثا هيتم بناء الحوض دون نقطه مياة واحده يتم غسل وتجهيز الكوارتز جيدا و عمل محيط داخل الحوض فى الاركان لوضع اللافا روك مخلوطه بالفيرمى داخل الكوارتز ثم تغطيه التربه بالكوارتز جيد جدا و ملئ الحوض بهدوووووووووء و زراعه النبات بشكل طبيعى .
ملحوظه الفيرمى لا يغسل نهااااائى للاحتفاظ بمغذياته.
ملحوظه الحوض المتر يحتاج ل 4ك تربه تقريبا . ملحوظة تجنب اى تيارات و طرطشه داخل الحوض لعدم حدوث فوضى من الفريمى فى الحوض. كده تقريبا انا اتكلمت عن التربة لتغذيه النبات من الجزور و سابقا تكلمنا عن العناصر الذائبه التى تخص الاوراق .
. #shahen_farm_aquascape
